Dicho Proverbio y Expresionan

Semper m’a gusta con nos bieuwnan ta tira nan proverbio of dicho den nan combersacionan. Si bo a lanta serca di bo madushi y padushi bo tambe ta us’e de bes en cuando.

Dicho, proverbio y expresion ta consisti di un frase cu a wordo crea e momento di un circumstancia den bida di un hende hopi biaha e ta metaforico expresa, asina e frase a bira popular y e la comberti den un dicho.

Laga nos cuminsa cu algun di nos idioma Papiamento

Mihor un mal areglo cu un bon pleito:
Ta preferibel jega na un entendimiento maske e no ta na agrado,cu bai dilanti huez y gasta plaka.
Mi a hari mi barika yen:
Mi a hari masha hopi mes.
Bari bashi ta zona mas duro:
Un hende bobo ta papia hopi pa otro kere cu e sa mas.
Mihor ami come, cu dokter come:
Mihor gasta placa na cuminda y no na dokter y remedi.

 

Dicho cu ta contene e palabra “Hende”

Aparensia sa gaña hende.
Realidad sa ta otro di loke e ta parse
Plama un hende na bandera
Zundra un hende
Hinka un hende den barika di otro
Pone malo entre dos persona
Barka hende, keda tera
Si bo ta mucho bon,tur hende ta probecha dibo
Bida di hende ta kolga na un hilo
Bida di hende ta na peliger semper bai
Conta un hende su bieu
Bisa exactamente ken un hende ta y kico e la jega di hasi
Nunka hende no sa ta bieu pa siña
Tanten bo ta na bida bo por siña algo nobo
Perde un hende for di bista
Perde contact cu un hende
Ta hende bobo ta kere cu nan sa tur cos
Mas un hende sa ,mas e ta compronde cu tin hopi cos cu e no sa
Bula pa un hende
Keda lew for di un hende
Hende burachi y mucha ta papia berdad
Mucha y hende burachi no sa kico nan mester papia 
Horka un hende su dobel
Stroba un hende; buska moda di laga un hende faya dn su intenshonan
Experencia bo ta cupra na pacus di hende bieu
Segun un hende ta bira mas grandi e ta haja experencia
Ningun hende no ta santu
Nos tur tin nos defectonan
Huez di un hende honrado ta su consenshi
Hende mester cumpli cu loke nan consenshi ta manda
Tene un hende na curason
Karga rencor contra un hende
Pone un hende na su lufga
Mustra un hende cu e ta hasi malo
No conta ningun hende bo mester
No yora bashi serka ningun hende
No bende bo mondongo cu tur hende
No conta tur hende bo secreto
Ningun hende no ta profeta den su tera
Merito di un hende cu a presta hopi,mayoria caso ta haña mas reconocemento den otro tera y no den su mes pais 

 

Hari barika yen
500771
FacebookTwitterGoogle+TumblrShare
Dicho Proverbio y Expresionan
User Rating: 3 (10 votes)

Leave a Reply

Your email address will not be published.

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Copy Protected by Chetans WP-Copyprotect.